लण्डन / च्यारिटी संस्था नेपालिज ब्रिटिश कम्युनिटी (एनबीसी) युकेको १५औं साधारण सभा आईतबार सम्पन्न भएको छ ।
लण्डनको ह्यारो फुटबल क्लवमा संस्थाका प्याटन , पदाधिकारी सदस्यहरु उपस्थितिमा सम्पन्न सभाले बार्षिक र आर्थिक प्रतिबेदन पास गरेको थियो ।च्यारिटीको रुपमा दर्ता भई संचालन भएको यो परोपकारी संस्थाले १५ पर्ष पुरा गरको छ ।
एनवीसी युकेले बेलायतमा स्वास्थ्यसम्बन्ध योगा र जुम्बा , बेलायतका बिभिन्न समुन्द्रीक आर्कषक स्थलहरुको भ्रमण , तीज दशैं तिहार पर्वहरु मनाउनुको साथै नेपाल रनलाई समेत सहयोग गर्दै आएको संस्थाका सचिव दामोदर आचार्यले जानकारी दिए ।
संस्थाले सिमिकोट, हुम्लामा रहेको हिमाली श्रवण अपांगता र बौद्धिक अपांगता विद्यालयलाई सहयोग गरेको संस्थाका संयोजक समीरनाथ प्याकुरेलले जानकारी दिए । विद्यालयले ४६ जना बहिरा बालबालिकालाई आश्रय दिएको र उनीहरुले निःशुल्क रूपमा विद्यालयको छात्रावास बसेको बताए । उनले विद्यालयको लागि हरितगृह समेत निर्माण गरेको जानकारी दिए ।
सभाको औपचारिक सेसन भन्दा पहिले सहभागि सदस्यहरुलाई सगरमाथा आरोही बोनिटा नोरिसले आफ्नो पर्वतारोहण अनुभवबारे बताउँदै ‘मानिसले सपना देख्नुपर्छ र त्यो सपना पूरा गर्न मेहनत गर्नुपर्छ भन्ने प्रेरणायुक्त सन्देश दिइन् ।
बोनिटा नोरिस माउन्ट एभरेस्टको चुचुरो र उत्तर ध्रुव दुबै स्थानमा पुगेकी सबैभन्दा कान्छी व्यक्ति हुन्। उनी २० वर्ष उमेर पुग्दासम्म कुनै पनि हिमाल चढेकी थिइन्न , तर त्यसपछि मात्र दुई वर्षमा, २२ वर्षको उमेरमा, एभरेस्टको चुचुरोमा पुगिन्।बोनिटाले ८,००० मिटरभन्दा अग्ला हिमालहरू एभरेस्ट , ल्होत्से , मानास्लु चढेकी छिन्,।
उनले उत्तर ध्रुवसम्म स्की यात्रा गरेकी छिन्, माउन्ट किलिमाञ्जारोमा टोलीहरूलाई नेतृत्व दिएकी छिन् र पहिलो सफलतापूर्वक के२ – ८,६११ मि० चढ्ने बेलायती महिला बन्ने प्रयास गरेकी थिइन्।
माउन्ट एभरेस्ट चढ्ने सबैभन्दा कान्छी बेलायती महिला बोनिटा एक प्रेरणादायी वक्ता पनि हुन्।