दिनेशकुमार
लण्डन / नेपालबाट करण केसी, दीपेन्दसिंह ऐरी, गुल्सन झा, सोमपाल कामी, रोहित पौडेल, कुशल मल्ल, कुशल भुर्तेलसहित १३ जना व्यवसायिक खेलाडी बेलायत आउने भएका छन् ।
माया इभेन्ट्सका सिइयो राज पाण्डेले शुक्रबार लन्डन हन्स्लोस्थित मामाज रेष्टुरेन्टमा आयोजित पत्रकार सम्मेलनमा अष्ट्रेलियाबाट सुवास खकुरेलसहित ५ जना, न्यूजिल्याण्डबाट दिनेश खरेल एवं नेपालबाट छ सहित १३ जना व्यवसायिक खेलाडी बेलायत आउने
जानकारी दिएका हुन।
माया इभेन्ट्सले आउंदो १४ जुलाईका दिन वाइकम्ब हाउस टेनिस एण्ड क्रिकेट क्लव आइजलवर्थमा क्रिकेट प्रतियोगिता लन्डनमा आयोजना गर्ने माया टी १० क्रिकेट प्रतियोगिता सो खेलाडीहरु आउने भएका हुन् ।
प्रतियोगिताको साथमा सांगीतिक कन्सर्ट पनि गरिने आयोजक पाण्डेले बताए । सांगीतिक कन्सर्टका लागि निमा रुम्बा, धिरज राई आदि राष्ट्रिय कलाकारसंग कुरा भइरहेको पाण्डेले बताए ।
क्रिकेटसंगै कन्सर्ट, खाना, राष्ट्रिय पोशाकका स्टल एवं बालबालिकाका लागि बाउन्सी क्यासल खेल र आर्ट पेन्टिङ राखेर नेपाली मेलाकै रुप दिइने पाण्डेले बताए ।
नेपाल, अष्ट्रेलिया र न्यूजिल्याण्डबाट समेत आउने टी ट्वान्टी खेलिसकेका नेपाली क्रिकेटरहरुसहित बेलायतमा रहेका नेपाली खेलाडी मिलाएर बनाइने टिमबीच प्रतिष्पर्धा हुनेछ ।
प्रतिस्पर्धामा उत्कृट विजेताले ५ हजार पाउण्ड र उपविजेताले दुई हजार पाउण्ड नगद पुरस्कार प्राप्त गर्नेछन् ।
उक्त खेलका लागि अनुमानित बजेट झण्डै ७० हजार पाउण्ड छ । खेल हेर्न ५ हजार दर्शक उतार्ने लक्ष्य आयोजकले लिएका छन् । फूल इभेन्ट हेर्न प्रवेश शुल्क जम्मा ५ पाउण्ड राखिएको छ ।
बेलायतमा अन्य धेरै गतिविधि हुने भएपनि क्रिक्रेट उत्सव नभएको उल्लेख गर्दै पाण्डेले यस्ता गतिविधिबाट बेलायतमा रहेका नेपाली युवा खेलाडीलाई अवसर मिल्ने बताए ।
प्रायोजकहरुबाट खर्च जुटाइने र खर्च कटाएर दि गोर्खा सेन्टर एवं द अर्फानेज होम्स् गरि दुई च्यारिटी संस्थालाई सहयोग गरिने पाण्डेले जनाए ।
पत्रकार सम्मेलनमा माया क्रिकेट क्लवका क्याप्टेन सचिन शर्मा, क्लवका उपकप्तान एवं पूर्व अन्डर १९ खेलाडी प्रकाश विष्ट, म्यानेजर आशिस भट्ट एवं खेलाडी आशिष कुर्मी पनि सहभागी थिए।
