लण्डन / ईष्ट ससेक्सको बिची हेडमा नेपाली बिद्यार्थी सुजलको मृत्यु भएको छ । स्थानीय ईष्ट ससेक्स हस्पीटलले २२ जुलाई सोमबार उनको मृत्यु भएको जनाएको हो ।
लन्डनको युनिभर्सिटी अफ वेष्ट लन्डनमा ब्याचलर्स अध्ययनरत २० वर्षीय सुजल बराल ईष्ट ससेक्सको पर्यटकीय गन्त्व्य बिचीहेड समुद्रछेउको क्लीफको खोचमा मृत भेटिएको थियो ।
खोजीमा सक्रिय टंक भट्टराईले प्रहरीको अनुसन्धानपछि घट्नाको पूर्ण विवरण थाहा हुने बताए ।
मृतक सुजलको पोष्ट मार्टम अनुसन्धानको लागि ईष्ट ससेक्स काउन्सिलले अगष्ट २ मा मिति दिएको छ ।
भारतमा जन्मिएका सुजलका बुवा देव बराल र आमा बबिता पन्जावमा बसोवास गर्छन् ।
सुजलको खोजीका लागि आफन्तजन र सामाजिक सञ्जालभर व्यापक अपिल गरिएको थियो ।