देबी गौतम
लण्डन / नेपाली काँग्रेसका सह महामन्त्री डिना उपाध्याय र नेपाली काँग्रेसका सांसद तथा कांग्रेश कार्यालयका मुख्य सचिव कृष्णप्रसाद पौडेल लण्डन उत्रिएका छन् ।
नेकपा एमालेका सचिव योगेश भट्टराई , प्रमुख सचेतक महेश बर्तौला , जसपाबाट विनोद पौडेल र अर्जुन थापा पनि सोही कार्यक्रममा सहभागि हुन लण्डन आईपुगेको बताईएको छ । माओवादी नेताहरु भने आफनै आन्तरिक कारणले बिदेश नआएको सचिवालयले बतायो ।
दलका नेताहरु लण्डन स्कूल अफ इकोनोमिक्स एण्ड पोलिटिकल साईन्सले आयोजना गरेको वर्कशप अन स्ट्रेथनिङ्ग ईन्शट्युशन इन कन्फ्लिट एफेक्टेट एण्ड पोष्ट कन्फ्लिट स्टेट्स विषयक गोष्ठीमा सहभागि हुन लण्डन आइपुगेका हुन ।
आईतबार नेपाली काँग्रेसका नेता द्वय उपाध्याय र पौडेललाई लण्डनको साउथ ह्यारोमा एक कार्यक्रबीच स्वागत गरियो । कार्यक्रममा नेपाल प्रेस युनियन युरोपका अध्यक्ष सञ्जयभक्त कँडेल , जन सम्पर्क समिति युकेका पूर्व सभापति बिनोद मोक्तान , एनआएनएका संस्थापक सचिव चिरञ्जिवी ढकाल,नेपाली कांग्रेस यूकेका नेताहरु राजकुमार त्रीपाठी र युवराज सिंह लगायतले लण्डनमा भब्य स्वागत गरेका थिए ।
नेपालमा हालसालै एक सय भन्दा बढी ज्यान जाने गरि आएको बाढी पहिरोको बाबजुद पनि प्रधानमन्त्री केपी ओली सहित बिभिन्न दलका नेताहरु बिदेश भ्रमणमा छन् ।