लण्डन । पूर्व अमेरिकी राष्ट्रपति जिमी कार्टरको १०० वर्षको उमेरमा निधन भएको छ । उनी अमेरिकाको ३९औं राष्टपति हुन् ।
कार्टर सेन्टरका अनुसार उनी अमेरिकाका सबैभन्दा पुराना जीवित पूर्व राष्ट्रपति थिए । उनको आइतवार दिउँसो जॉर्जियाको प्लेन्समा आफ्नो घरमा शान्तिपूर्वक निधन भएको हो। यही शहरमा उनी जन्मेका थिए।
एउटा विज्ञप्तिमा भनिएको छ, ‘उहाँ १०० वर्षका हुनुहुन्थ्यो, र अमेरिकाका इतिहासमा सबैभन्दा लामो समय बाँच्ने राष्ट्रपति हुनुहुन्थ्यो।’
कार्टर, जो १९७६ देखि १९८१ सम्म राष्ट्रपति पदमा थिए र नोबेल शान्ति पुरस्कार विजेता थिए, आफ्ना चार बच्चा – ज्याक, चिप, जेफ, र एमी, ११ नातीनातिनासहित, र १४ पनाती जीवित छन्।
उहाँका छोरा चिप कार्टरले भनेस् ‘मेरो पिताजी एक नायक थिए, मात्र मेरो लागि होइन, तर ती सबैका लागि जो शान्ति, मानव अधिकार र निस्वार्थ प्रेममा विश्वास गर्छन्।’
पूर्व राष्ट्रपति कार्टरले , नेपालमा कार्टर सेन्टर मार्फत नेपालको दशक लामो गृहयुद्ध समाप्त गरी शान्ति प्रकृयामा भूमिका खेलेका थिए । नेपालमा ऐतिहासिक संबिधान सभा चुनावताका र्कार्टर सेन्टरले पर्यवेक्षकको जिम्मा निर्वाह गरेको थियो । उनले सन २००७ मा नेपाल भ्रमण गरेका थिए ।
