लण्डन / बेलायतले हालै आर्टीलरीका विज्ञ सैनिकहरूको नयाँ रेजिमेन्ट गठन गर्ने चर्चा चलेको छ ।
यसले परम्परागत भूसेनाको भूमिकामा ऐतिहासिक परिवर्तन ल्याउनेछ अपेक्षा गरिएको छ । यो विशेष बल मुख्य रूपमा हाल बेलायती सेनामा कार्यरत गोर्खा सैनिकहरू समावेश हुनेछ।
रूससँग शान्ति सम्झौता भएपछि, गोर्खा सैनिकहरूको यो रेजिमेन्ट युक्रेनमा तैनाथ हुन सक्ने अनुमान गरिएको छ । गोर्खाहरूको नेपालसँग गहिरो सम्बन्ध रहेको हुँदा, यस्तो कदमले नेपाली सरकारको आपत्ति निम्त्याउन सक्ने सम्भावना भए पनि नेपाल सरकारले यसबारे अनबिज्ञ रहेको जनाकारहरु बताउँछन् ।
डेली एक्सप्रेस पत्रिकाको हालैको रिपोर्ट अनुसार, बेलायती रक्षा मन्त्री जोन हेलीले यस रेजिमेन्टलाई स्वीकृति दिएका छन्। प्रारम्भिक रूपमा, उच्चस्तरीय निगरानी (सर्भेइल्यान्स) मा विशेषज्ञता राख्ने ५०० नेपाली बिृटिश गोर्खा सैनिकहरू समावेश हुनेछन्, । यो निर्णय विशेष गरी यस वर्षको अन्त्यसम्म युक्रेनमा सम्भावित तैनाथीलाई ध्यानमा राख्दै ब्रिटिश सेना प्रमुख जनरल सर रोलान्ड वाल्करले बेलायती सेनाको तयारी मूल्याङ्कन गरिरहेको समयमा आएको हो ।
विश्वव्यापी तनावको बीचमा रणनीतिक विस्तार
गोर्खा आर्टींलरी युनिटको गठन बेलायती सेनाको रोयल आर्टिलरीलाई सुदृढ पार्ने योजनासँग मेल खान्छ, किनभने हाल बेलायतले ७०० आर्टीलरी सैनिकहरूको अभाव झेलिरहेको छ।
परम्परागत रूपमा युद्धकौशलका लागि परिचित गोर्खाहरू लामो समयदेखि बेलायती स्थल सेनाको महत्त्वपूर्ण हिस्सा रहँदै आएका छन्। तर अहिले बेलायती सेनाले विशेष गोर्खा आर्टीलरी रेजिमेन्ट बनाउँदैछ। रिपोर्टहरूका अनुसार, सुरुवातमा ५०० गोर्खा सैनिकहरू भर्ती गरिनेछन्, जसलाई विस्तार गर्दै ४,१२७ जना सदस्य रहेको गोर्खा ब्रिगेडको अभिन्न अंग बनाइने योजना छ।
नयाँ गोर्खा रेजिमेन्टको भूमिका
नयाँ रेजिमेन्ट मुख्य रूपमा गुप्तचर (इंटेलिजेन्स), निगरानी (सर्भेइल्यान्स), लक्ष्य पहिचान (टार्गेट एक्विजिसन) र रेकी (रेकोनेसन्स) कार्यमा केन्द्रित रहनेछ।
गोर्खा सैनिकहरू जाभेलिन जस्ता सतहदेखि आकाश मिसाइल प्रणाली द्वारा सुसज्जित हुनेछन्। युक्रेनलाई ठूलो मात्रामा हतियार आपूर्ति गर्नाले बेलायती सेना आर्टीलरी र गोलाबारुद अभाव झेलिरहेको छ । AS90 होवित्जर तोपको अभावलाई पूरा गर्न बेलायतले जर्मनीसँग मिलेर निर्माण गरेको RCH 155 आर्टिलरी प्रणाली को आपूर्तिको प्रतीक्षा गरिरहेको छ, जसले यस वर्षभित्र बेलायती सेनामा प्रवेश गर्ने अपेक्षा गरिएको छ।
युक्रेनका लागि युरोपेली सेनाहरूको तयारी
बेलायती सेना प्रमुख जनरल सर रोलान्ड वाल्कर हाल युक्रेनमा सम्भावित बहुराष्ट्रिय शान्ति मिसनका लागि बेलायती सेनाको तयारी मूल्याङ्कन गरिरहेका छन्। यसैबीच, युरोपेली सैन्य नेताहरू पेरिसमा भेला भएर युद्धपछिको युक्रेन स्थिर बनाउन ‘फोर्स बिल्डिङ’ पहलबारे छलफल गर्दैछन्। यो प्रयास तीव्र गतिमा अगाडि बढ्दैछ, जसमा हालसम्म २० राष्ट्रहरूले समर्थन जनाइसकेका छन्। यसले युद्धपछिको युक्रेनलाई स्थिर बनाउन अन्तर्राष्ट्रिय प्रतिबद्धता झल्काउँछ।
( एजेन्सीहरुको सहयोगमा दिनेश कुमार परियारद्धारा तयार पारिएको रिर्पोट )