लण्डन / गैर आवासीय नेपाली संघ (एनआरएनए) यूकेको अध्यक्षमा पुनः प्रेम गाहामगर चयन भएका छन्, भने महासचिवमा जुरेन्द्र खजुमको नियुक्ति भएको छ।
आइतबार, अल्डरसटस्थित द प्यालेस बैंक्वेटिङ हलमा सम्पन्न एकताको भनिएको महाधिवेशनले गाहामगरको नेतृत्वमा नयाँ कार्यसमितिलाई सर्वसम्मत रूपमा चयन गरेको हो। अध्यक्ष पदमा गाहामगर दोहोरिएका छन्।
निर्वाचन समितिका सदस्यसचिव विश्वासदीप तिगेलाका अनुसार, १९ मार्चमा भएको मनोनयन दर्ताका क्रममा सबै पदमा एकल उम्मेदवारी परेपछि कार्यसमिति निर्विरोध भएको घोषणा गरिएको थियो।
नयाँ कार्यसमितिमा उपाध्यक्षका रूपमा तीर्थ मल्ल (अनिल), डा. ओसिन लिम्बु, धन तामाङ, र झलक पुन चयन भएका छन्। सचिव पदमा कृष्णप्रसाद खतिवडा र धिरज राईले जिम्मेवारी सम्हाल्नेछन्, भने महिला सचिवमा जानुका राई, कोषाध्यक्षमा अवेश राई, र सहकोषाध्यक्षमा सुरेश केसी चयन भएका छन्।
त्यसैगरी, महिला संयोजक मणिकला गुरुङ र युवा संयोजक विशाल राई पनि निर्विरोध चयन भएका छन्।
समितिका अन्य सदस्यहरूमा निकेस लिम्बु, एन्डीयाज राई, किशोरकुमार गुरुङ, सिमनी श्रेष्ठ, विनय दाहाल, असल लिम्बु, निशान पन्धक, रञ्जन राजवंशी, कमलराज तामाङ, मेखसिङ गुरुङ, सोम श्रेष्ठ, दिवराज राई, अन्जिला लिम्बु, सलबहादुर गुरुङ, कुलप्रसाद कँडेल, विजय गुरुङ, त्रिप्रसाद पुन, प्रेम कोरङ्गी, र कल्पना कन्डङ्वा छन्।
एनआरएनए यूके आईसीसी सदस्यका रूपमा लिला सेलिङ, ओमप्रसाद थापा, डा. बलराम ढकाल, शारदा गुरुङ, युवराज सिंह, कुमार थापा मगर, प्रवेश केसी, अमृत घले, फूलप्रसाद कँडेल, र सिरीप्रसाद गुरुङ चयन भएका छन्।
नव-निर्वाचित पदाधिकारीहरूलाई आइतबार नै प्रमाणपत्र वितरण गरिएको थियो।
निर्वाचन समिति संयोजक डा. भीम पुन, सदस्य सचिव विश्वासदीप तिगेला, तथा सदस्यद्वय राजकुमार (आरके) त्रिपाठी र टेक बहादुर थापाको नेतृत्वमा सम्पन्न भएको थियो।
यस महाधिवेशनमा एनआरएनए यूकेको उच्चस्तरीय समितिका संयोजक डा. शेष घले प्रमुख अतिथि रहेका थिए।