दिनेशकुमार/देबी गौतम, लण्डन – अन्तर्राष्ट्रिय नेपाली फिल्म अवार्ड (इन्फा) २०२५ को नोमिनेशन सूची सार्वजनिक गरिएको छ। बेलायतमा आयोजना हुन लागेको दोश्रो इन्फा अवार्ड समारोहले नेपाली फिल्म क्षेत्रको अन्तर्राष्ट्रिय स्तरमा प्रवर्द्धन र सम्मान गर्ने उद्देश्य राखेको छ।
यस वर्षको इनफा अवार्ड कार्यक्रमको संयोजन युकेस्थित नेपाली सांस्कृतिक अभियन्ताहरू उमेश राज मोक्तान, टङ्क भट्टराई, आशिष पन्त र राज पाण्डेले गर्दै छन्। उनीहरूका अनुसार, २०२५ को संस्करण अझ भव्य र अन्तर्राष्ट्रिय स्तरमा प्रभावशाली हुने अपेक्षा गरिएको छ।
हालै सार्वजनिक नोमिनेशन सूचीमा विभिन्न विधाका कलाकारहरू, निर्देशकहरू, तथा फिल्महरू समावेश छन्। अवार्डका लागि उत्कृष्ट फिल्म, निर्देशक, अभिनेतारअभिनेत्री, नायकरनायिका, गीतरसङ्गीत, सम्पादन, छायांकनलगायत विविध विधामा प्रतिस्पर्धा हुनेछ।
१३ सेप्टेम्बरमा लण्डनमा हुने दोश्रो सिने अवार्ड शो को छनोट प्रकृया नेपालमा जुरी टीमका कलाकारहरु गौरी मल्ल, रमेश वुडाथोकी र करूण थापा करीव एक महीना लगाएर ४२ वटा चलचित्रहरू हेरेर छनोट गरेका हुन । नोमिनेट भएका कलाकार तथा फिल्मलाई अन्तर्राष्ट्रिय मञ्चमा प्रस्तुत गर्दै नेपाली सिने क्षेत्रको उचाइ बढाउने उद्देश्य आयोजकले लिएका छन्।
कार्यक्रमका संयोजक उमेश राज मोक्तान भन्छन् , “यस अवार्डमार्फत हामीले नेपाली फिल्मलाई विश्वमाझ चिनाउने प्रयास गरेका छौं। लण्डनजस्ता अन्तर्राष्ट्रिय सहरमा यस्ता कार्यक्रम हुनु नेपाली कला – संस्कृतिको लागि निकै गर्वको विषय हो । ”
नोमिनेशन सूची (मुख्य विधाहरू):
