लन्डन । बेलायतमा बसोवास गरी डिजिटल मिडियामा क्रियाशिल मिडियाकर्मीहरूले नेपाली मिडिया सोसाईटी युके गठन गरेको छ ।
समय र बढदो आधुनिकतासंगै डिजिटल मिडियाको प्रभाव क्रमश बढेर गएको सन्दर्भमा यस माध्यममा आवद्वहरूको सञ्चार कर्ममा अझ विश्वसनीय र जिम्मेवार र व्यवसायिक बनाउनुपर्ने आवश्यकतालाई मनन गर्दै डिजिटल मिडियामा संलग्नताहरू अआवद्वता भएर नेपाली मिडिया सोसाईटी युके गठन गरेको हो ।
बेलायतमा नेपालीहरूको सघन बसोबासमा बृद्वि भईरहेको अवस्थामा डिजिटल मिडिया लगायत माध्यमबाट नेपाली भाषा, धर्म, संस्कार संस्कृति र कुनै न कुनै रूपमा मातृ देशसंग जोड्ने उद्देश्यसहित सामाजिक दायित्व पुरा गर्ने लक्ष्य राखेको छ ।
नेपाली मिडिया सोसाईटी युकेले डिजिटल मिडियामा पत्रकारितालाई अझ परिस्कृत गर्दै विकास गर्ने लक्ष्य पनि राखेको छ ।
नेपाली मिडिया सोसाईटीको अध्यक्षमा किरण राई चयन भएको छ । उपाध्यक्षमा सरोजजंग थापा र बिनोद राई चयन भएको छ । महासचिवमा भने तेजकुमार माबो चयन भएको छ । त्यसैगरी कोषाध्यक्षमा रन्जीत राई निर्वाचित भएका छन । सदस्यहरूमा उदय राई, निरन क्षेत्री, रोशन लिम्बू र सुमन लिम्बू चयन भएका छन ।
सोसाईटीले यसै बर्ष अधिवेशन गर्ने लक्ष्य समेत राखेको छ । संस्थालाई गतिशिल र चलायनमान बनाउन तत्कालै बिधान कार्ययोजना समेत बनाउने भएको छ ।