लण्डन । बेलायतमा हुने ओपन कन्सर्टमा मंगोलियन हार्टका गायक राजु लामा आउने भएका छन् ।
मगर संघ युकेले आइतबार आयोजित भर्चुअल पत्रकार सम्मेलनमा कन्सर्ट जुनको १५मा मेडस्टोन स्थिति केन्ट, इभेन्ट्स सेन्टरमा हुने जानकारी दिएको हो । संघका उपाधक्ष्य होम रोकामगरले टिकट अनलाईनमार्फत खरिद गर्न सकिने बताए ।
१६औ नेपाली ओपन कन्सर्ट दिउँसोको १२ बजेवाट साँझ ८ बजे सम्म चल्ने कार्यक्रममा, कार्यक्रम स्थलमा नेपाली परिकारहरु , बालबालिकाका लागि खेलहरु र व्यापारिक स्टलहरु समेत रहने छन् ।
मुख्य अतिथि बेलायतका लागि नेपाली राजदुत ज्ञानचन्द्र आचार्य तथा बेलायतवासी विभिन्न संघ सस्थाका प्रतिनिधिको बाक्लो उपस्थिति रहने संघले दिएको छ भने कन्सर्टमा करिब ४ हजार मानिस उपस्थित हुने आयोजकहरुको अपेक्षा रहेको छ ।
सोहि अवसरमा मगर संघ युके, केन्ट शाखाका अधक्ष्य नानीबाबु मगरले मगर संघ युकेका १२ वटा शाखाहरुवाट गाडीको व्यवस्था गरिएको र चाहिएको खण्डमा ट्रेन स्टेशनवाट गाडीको व्यवस्था हुने जानकारी गराएका थिए ।
संघको सास्कृतिक सचिव सरु राना गुरुङले कन्सर्टमा राजु लामालाई बेलायतको स्थानीय सिक्का ब्याण्डले साथ दिने जानकारी गराएकी थिइन्।
मगर संघ युकेका अध्यक्ष सिता पुनमगरले अध्यक्षता गरेको पत्रकार सम्मेलनमासंघका महासचिव गुमानसिंह थापाले कार्यक्रम संचालन गरेका थिए भने पत्रकार सम्मेलनको संयोजक सचिव गोमन पुनले गरेका थिए।