राष्ट्रिय स्वतन्त्र पार्टीका सभापति तथा पूर्वगृहमन्त्री रवि लामिछानेलाई उच्च अदालत तुल्सीपुर, बुटवल इजलासले पुर्पक्षका लागि थुनामा राख्न आदेश दिएको छ।
रूपन्देही जिल्ला अदालतको एक करोड धरौटीमा छोड्ने आदेशलाई बदर गर्दै अदालतले सहकारी अनियमिततामा लामिछानेको संलग्नता देखिएको भन्दै थुनामा पठाउने निर्णय गरेको हो।
अदालतको आदेशपछि नेपाल प्रहरीले उनलाई पक्राउ गरिसकेको छ। अदालतले सहकारीमा हजारौं सर्वसाधारणको रकम डुबेको र न्याय प्रणालीमा जनविश्वास कायम राख्नुपर्ने भन्दै धरौटीमा छाड्न नहुने ठहर गरेको हो।