पिटरबरो/ पिटरबरोमा मंगलवार भव्य रुपमा आयोजना गरिएको नेपाली तीज मिलन कार्यक्रम सफलतापूर्वक सम्पन्न भएको छ।
नेपाली संस्कृतिको संरक्षण र प्रवर्द्धन गर्ने उद्देश्यले पिटरबरो नेपाली समाजले सो तीज कार्यक्रम आयोजना गरेको हो ।
कार्यक्रममा बिशेषत स्थानीय दिदीबहिनीहरुको उल्लेख्य उपस्थिति थियो । साथै दाजुभाइ, तथा विभिन्न संघसंस्थाका प्रतिनिधिहरुको उल्लेखनीय सहभागिता थियो ।
कार्यक्रममा परम्परागत तीज गीत–संगीत, नृत्य तथा सांस्कृतिक प्रस्तुतिहरु प्रमुख आकर्षण बने।
सहभागीहरूले आफ्ना प्रस्तुतीमार्फत नेपाली संस्कृति र परम्पराको झल्को प्रस्तुत गरे ।
समाजका अध्यक्ष बिष्णु बहादुर थापाले विदेशमा बस्ने नेपालीबीच आपसी सम्बन्ध सुदृढ बनाउन यस्ता कार्यक्रमहरू अत्यन्त महत्त्वपूर्ण हुने धारणा व्यक्त गर्दै उपस्थित सबैलाई धन्यवाद दिए ।
समाजले कार्यक्रममा सहभागी सबैप्रति हार्दिक आभार व्यक्त गर्दै आगामी दिनमा अझ विविधतापूर्ण र समृद्ध सांस्कृतिक कार्यक्रम गर्ने प्रतिबद्धता जनाएको छ ।