लन्डन। गैरआवासीय नेपाली संघ (एनआरएनए) यूकेले बेलायतमा रहेका नेपाली विद्यार्थीका समस्या समाधान गर्न २४ सै घण्टा हेल्पलाइन सेवासुरु गर्ने भएको छ। अध्यक्ष राजेन्द्र पुडासैनीको अध्यक्षतामा सोमबार लेष्टरमा बसेको कार्यसमिति बैठकले सो निर्णय गरेको हो।
बैठकले हेल्पलाइन विभाग गठन गर्दै डा. रक्षा थापालाई संयोजक तोकेको छ। यस विभागमा कृष्ण भण्डारी, लिलाराम निउरे, रामप्रसाद कंडेल र कला पोखरेल सदस्य रहनेछन्।
त्यसैगरी बैठकले विभिन्न विभागमा पनि नयाँ जिम्मेवारी तोकेको छ।
-
च्यारिटी विभाग : संयोजक डा. रक्षा थापा
-
युवा विभाग : संयोजक बासु पोखरेल
-
खेलकुद विभाग : संयोजक उज्वल कार्की
-
विद्यार्थी विभाग : संयोजक विष्णु प्रसाद भट्राई
-
भाषा साहित्य विभाग : संयोजक गोपी सापकोटा
-
कला संस्कृति विभाग : संयोजक कृष्ण देवकोटा
-
महिला विभाग : संयोजक कमला श्रेष्ठ
-
आर्थिक विभाग : सरोज थापा र दिपक तिमल्सीना
-
संघ–संस्था विभाग : संयोजक , अध्यक्ष राजेन्द्र पुडासैनी
-
गैरआवासीय नेपाली नागरिकता विभाग : संयोजक कृष्ण भण्डारी
-
भूपू गोर्खा तथा जेष्ठ नागरिक विभाग : संयोजक दिनेश परियार
-
पर्यटन विभाग : संयोजक रामप्रसाद कंडेल
-
प्रविधि विभाग : संयोजक किरण घिमिरे
सचिवालय पनि गठन गरिएको छ, जसको संयोजक अध्यक्ष पुडासैनी रहनेछन्। ट्रस्टीमा पुडासैनीसहित कृष्ण भण्डारी, दिवाकर पाण्डे, डा. रक्षा थापा र सरोज थापा चयन भएका छन्।
महासचिव दिवाकर पाण्डेका अनुसार बैठकले अघिल्लो निर्वाचन खर्चिलो भएको भन्दै आगामी निर्वाचन कम लागतमा सम्पन्न गर्ने, सदस्यता शुल्क घटाउने र वर्षभर सदस्यता वितरण खुला राख्ने सिफारिस गरेको छ। साथै, आगामी अक्टोबरमा हुने १२औं महाधिवेशनका लागि प्रतिनिधिहरू अनुमोदन गर्दै सबै पदाधिकारीलाई अनिवार्य सहभागिताका लागि आह्वान गरिएको छ।