लण्डन / माउनजारो (Mounjaro) नामक तौल घटाउने इन्जेक्सन आजदेखि इङ्ग्ल्यान्डका GP (सामान्य चिकित्सक) हरूको क्लिनिकमा उपलब्ध हुनेछ, तर केवल कडा मापदण्ड पूरा गर्ने व्यक्तिहरूका लागि मात्र।
NHS इङ्ग्ल्यान्डका अनुसार, अहिले पहिलो चरणमा अत्यन्त आवश्यक भएका बिरामीहरूलाई प्राथमिकता दिइनेछ। यो उपचार BMI 40 वा सोभन्दा बढी भएका (अथवा अल्पसंख्यक जातीय समूहका लागि BMI 37.5) र पाँचमध्ये कम्तीमा चार रोगहरू भएका व्यक्तिहरूलाई दिइनेछ: टाइप २ मधुमेह, उच्च रक्तचाप, हृदय तथा नसा सम्बन्धी रोग, उच्च कोलेस्ट्रोल, र सास फेर्न गाह्रो हुने समस्या (Obstructive Sleep Apnoea)।
यो औषधिले साताेमा एकपटक लगाइन्छ र भोक कम गराउँछ, जसले तौल करिब २०% सम्म घटाउन मद्दत गर्दछ।
GP हरूले जनशक्ति अभाव भएकाले पात्र नभएका व्यक्तिहरूले नआउन अनुरोध गरेका छन्।
माउनजारो पहिले टाइप २ मधुमेह उपचारका लागि प्रयोगमा आएको थियो, अहिले मोटोपन घटाउन पनि प्रयोग गरिँदैछ। तर सबैलाई तत्काल पाउने छैन, यसलाई बिस्तारै विस्तार गरिनेछ। गर्भवती, स्तनपान गराइरहेकाहरू र केही रोग भएका व्यक्तिहरूका लागि उपयुक्त छैन।
माउनजारो हाल इङ्ग्ल्यान्ड, वेल्स र उत्तरी आयरल्याण्डमा सीमित सेवाहरू मार्फत उपलब्ध छ। NHS का अनुसार, यस औषधिको पहुँच विस्तार गर्दै लैजाने योजना छ, तर यो प्रक्रिया आगामी तीन वर्षमा क्रमशः अघि बढ्नेछ।
माउनजारो (Mounjaro) पाउने मापदण्डहरू:
GP हरूबाट माउनजारो पाउनका लागि निम्न सर्तहरू अनिवार्य छन्:
1) BMI मापदण्ड:
-
BMI 40 वा सोभन्दा बढी
-
अल्पसंख्यक जातीय समूहका लागि BMI 37.5 वा सोभन्दा बढी
2) पाँचमध्ये कम्तीमा चार स्वास्थ्य समस्या:
-
टाइप २ मधुमेह (Type 2 Diabetes)
-
उच्च रक्तचाप (High Blood Pressure)
-
हृदय तथा नसा सम्बन्धी रोग (Heart and Vascular Disease)
-
उच्च कोलेस्ट्रोल (High Cholesterol)
-
सास फेर्न गाह्रो हुने समस्या (Obstructive Sleep Apnoea)
3) थप सेवा:
-
नियमित स्वास्थ्य परीक्षण (Monthly Check-ups)
-
शारीरिक व्यायाम र तौल व्यवस्थापन सम्बन्धी सल्लाह (Lifestyle Support)
4) योग्य नहुने समूह:
-
गर्भवती, गर्भधारण प्रयास गरिरहेकाहरू, वा स्तनपान गराइरहेकाहरू
-
प्यान्क्रियाटाइटिस (Pancreatitis) वा केही थाइराइड ट्युमर भएका व्यक्तिहरू
यदि तपाईं यी मापदण्डमा पर्नुहुन्छ भने मात्र GP मार्फत माउनजारो पाउन सकिनेछ।