लेस्टर, बेलायत – प्रवासी नेपालीहरुको साझा संगठन ओएनएफ यूके (प्रवासी नेपाली मञ्च) को नवौं राष्ट्रिय अधिवेशन बेलायतको लेस्टरमा भव्य रूपमा सम्पन्न भएको छ। अधिवेशनको उद्घाटन नेकपा एमालेका महासचिव शंकर पोखरेल र बेलायतस्थित नेपाली राजदूत चन्द्र घिमिरेले संयुक्त रूपमा गरे। अधिवेशनमा विशेष जोड प्रवासी नेपालीहरुको हक, अधिकार र मातृभूमिप्रतिको दायित्वमा दिइएको थियो। महासचिव पोखरेलले प्रवासी नेपालीहरुले संविधानले प्रदान गरेको गैरआवासीय नेपाली (एनआरएन) नागरिकताको अधिकार अब चाँडै व्यवहारिक रूपमा सुनिश्चित हुने बताए। उनले नीतिगत रूपमा निर्णय भइसकेको र अब कानुनी प्रक्रियामा अगाडि बढिरहेको प्रष्ट पारे। महासचिव पोखरेलले प्रवासी नेपालीहरूप्रति सम्मान व्यक्त गर्दै भने, “विदेशमा जसरी यहाँहरू परिश्रम गरिरहनु भएको छ, यदि त्यो…